close
「好心你啦！甩咁多貓毛，沖完涼就自己沖下啦！一d手尾都冇！」

最近唔知做咩甩好多頭髮，日日洗完白白廁所都有好多頭髮，今日終於俾豬仔話我，唔識執返起 d 頭髮，話我冇手尾。有時真係唔知點解，我似細妹多過似家姐，無論係身高樣貌同智慧都係，第一眼見我們兩姐弟時，差不多所有人都會話豬仔是哥哥，搞到佢成日係度以為自己真係大過我，俾細佬教訓好慘啊！！！

之前返醫院果陣應承左社工姑娘每星期最少要做少少家務，例如洗兩次碗！！不過我每星期唔止洗兩次啊！做唔到既野我一向都唔會應承啊，如果我明知自己唔會做或者做唔到既事，無論咩條件點都好我都唔應承架！另外我都有應承醫生要多ｄ出街行下唔好成日係屋企，所以日日都有落街行公園，好似果ｄ退休婆婆咁！

唔知做咩依半個月都唔係好寫畫公仔，反而日日都係度睇漫畫，今日既目標既睇晒成套藤崎龍既封神演義！

完來晏晝果套唔知乜野DoReMe都幾好睇架！
arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄