NekoCatz - This is Life...isn't all fun

之前一直都講緊要裝修的事，終於都打好晒價同落實日期囉！前幾日牛牛同豬仔去左搵地方將仲要既野同埋衫果ｄ寄倉同埋依個月我地住既地方，寄倉呢就搵左大埔既太平，而住就租左天水圍既海逸酒店月租計劃。

因為應承左裝修師傅會清吉間屋俾佢地做野，所以要係開工之前清左間屋佢，唔執都唔知道，原來間屋咁鬼死多野，全部執清之後，有成差唔多廿個膠箱再加廿個紅白藍膠袋！！

除左執去寄倉既野之外，另外仲有準備依個月入去酒店住果陣要用既野，其實裝修師傅報話只係需要十五日，不過就埋傢俬同埋間房啊果ｄ，牛牛就話預一個月會好些！咪咪因為仲要返工，所以佢話只要間工裝修好，訓地下都好過日日咁又出又入喎，而豬仔同牛牛就話到時先算，而我呢～就打算住夠一個月先走囉～～係酒店有得游水又可以玩健身，仲可以靜靜地咁專心ｄ讀好我係圖書館借返黎既書，最重要既係可以由朝到晚都嘆冷氣！不過主要都係佢地話唔想我係度阻住佢地執野做野喎，因為我只係執自己ｄ野已經整到扭親舊患又損手損腳，佢地話費時到時我有破壞冇建設反而阻住佢地做野！

依家間屋清吉左，發覺原來間屋都好大下架，我屋企係舊式既 H 型公共屋邨的五人單位，諗住拆左露台果幅牆間多間房，到時就真係一人一間房囉！（牛牛同咪咪一間、我一間、豬仔一間）

後補
因為屋企裝修的關係，腦爺子封塵了整整一個月，其實之前我已經有想過依照腦爺子的慣性來說，平常日子一個月的時間足夠它掛掉兩三次，在很大機會掛掉的情況下，我什麼都有備份，就只有網站這裡沒有！因為想著即使自己沒有備份，在伺服器上還有嘛！而在裝修前因為發生了一件不太愉快的事件，我一氣之下將站站暫時關閉了，更手快快的將所有檔案從伺服器上刪除了！就這樣今年二月到七月期間的日記便全沒有了！唉...我真的是太笨了......