自從傻花去左,依兩日我地一家人都絕口不提依件事,只有尋晚臨訓我同豬仔有傾過,我地都唔明白究竟邊度出左問題,暫時唯一諗到既,就係可能餵傻花太飽,佢嘔返出黎果陣入左氣管,所以......

尋日因為太冇心雞,所以冇寫日記。成日都係度睇書同聽歌,傻雞佢地唔知點解兩公婆成日都一齊黎間屋入面,除左輪流出黎飲水食野同嗯嗯之外,一直都係屋面,而且屋入面傳黎好細聲既 b b b 聲。不過我地尋日都冇為意,可能仲俾傻花件事影響,大家都冇心情掛。雖然牛牛係夜晚都係忍唔住去裝佢地,不過就俾大隻隻好兇咁嚇到佢唔敢裝。

今朝我未訓醒,係半夢半醒既情況下,聽到咪咪同豬仔係度鬼叫,仲俾佢地拍醒,叫我去睇下傻雞間屋,原來佢地發現左,其中一隻蛋破左,係大隻隻出左黎食野同飲水果陣,佢地見到有一舊細細粒既黃色物體係傻雞隔離震震下,仲發出 b b b 既叫聲,佢地睇真 d,原來係有一隻 b b 破左殼,佢只有成年人半隻拇指左右大,光脫脫無毛,不過背脊同尾尾就有少少好似毛既野,而且佢仲未開眼。佢地兩公婆就一左一右咁夾住隻小寶寶,睇黎暫時只有一隻蛋破左殼,傻雞佢地又除左護住小寶寶之外,仲有繼續孵其餘既蛋。豬仔話,希望過幾日其他蛋都破殼就好囉。

傻花剛剛去左,新生命又黎到。
事情發展得太快啦!我的心臟有點承受不了....

arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()