NekoCatz - This is Life...isn't all fun

今日牛牛休息，成家人一齊過左上水行街街，因為佢地話想換左張床裖喎！首先去左海馬既分店睇（佢個門口係話海馬架），但係入面果個師奶咁款既老板就咩都唔識，居然話床裖係越厚就越硬叫我地買厚ｄ既就得喎！於是牛牛話去第二間睇下啦，跟住去左間叫翡翠籐器既舖頭，果個sale哥哥好有心機咁介紹資料俾牛牛同咪咪睇，又叫佢地坐下訓下試下好唔好先決定，牛牛一訓落去已經話買啦買啦，一張四尺半乘五尺六寸高（無記錯的話=P）只係要六百八十幾蚊咋！算唔算好抵呢？

買完野之後一家人去左買六合彩，因為話今期中左好多錢喎！買完之後本來話去買餸，不過我想剪頭髮喎，於是咪咪便和我去剪頭髮，而豬仔同牛牛就返屋企先。四十八蚊洗剪恤加九蚊服務費，招呼一流手勢又好喎，所以剪完咪咪仲破例俾左貼士佢地。我由細到大剪得最短都係過晒耳仔好似個冬菇咁款，但係今次由過左肩四吋長剪到好似人地剷青咁款，不過長少少，前面ｄ陰係眼眉對上成１ｃｍ～～～幫咪咪剪果個姐姐仲問佢我係咪失戀所以剪到咁激添！其實剪成咁係咪咪提意既，佢話咁樣個人精神ｄ喎！我又未試過咁樣，咪試下囉！剪左出黎都幾得意啊！