NekoCatz - This is Life...isn't all fun

咳左咁多日終於都發燒啦！食左藥就係度睇書，數數下入黎依大半個月入面，大大話話我都睇左差唔多成三十本書啦！剩係昨日就睇左五本，今日都有四本啊！牛ｂｂ話我睇得咁快都唔知有冇用心睇喎，不過細細個果陣我已經係咁，放學去圖書館借書睇第二日就睇晒還得。

今日睇既書入面，有一本好搞笑，係彭浩翔寫既婚前婚後三分險 - season 2 斷食害人。依本書係寫彭浩翔同佢老婆（老闆）既婚姻生活，你會覺得佢兩個搞野得黎勁 sweet，係人都覺得佢地好恩愛呢！

話時話，天水圍圖書館細過粉嶺果間好多，而且勁多簡體字書，我唔識簡體字，所以少左好多選擇。不過都搵到好多書睇，就好似張小嫻既散文就有三本我未睇過啊！另外仲有李敏、鐘偉民、幾米、蕭君紅既書睇，全部都未睇過架！其實有好多好多書都未睇過，起碼簡體既未啦！就算係我最鐘意既散文，都有好多未睇過，所以次次去到都唔捨得走，仲借到手都拎唔晒先肯走，唔知點先可以搞掂我依個書書飢渴症呢！

不過有陣時我都覺很自己怪怪的，若果果ｄ野好多人都話好同追果陣，就算佢本身真係好都好，我就偏偏唔鐘意。好似好多人都話小王子都睇，我就偏唔睇，就算係哈利波特啊，我都係到電影出到第二集先去睇第一集既書咋！可能我絕對相信所謂一個大話講一百次就成真既野掛，亦都唔鐘意明明係錯既因為人人都咁做就錯都照做。好似以前玩 Online Game 咁，ｄ人好鐘意玩 Player Killer，殺黎殺去嘈到話要出黎隻揪，有陣時明知係錯既，但係因為大家都咁玩所以明知錯都照跟 (最簡單既例子就係外掛啦)，玩到咁都唔知有咩好玩，成日話人地都用啦所以自己都用，唔通個個去打劫又跟住去打劫咩，用下個腦都知唔得啦！

我情願俾人話我 out 老土，都唔願意咁去盲目附和！