close
今日牛牛收工早左返屋企，佢係百佳買左好多野返黎諗住打邊爐，因為我地習慣左用鮮雞蛋 + 鼓油 + 沙渣醬嘛！咁我見牛牛係度洗緊佢買返黎果ｄ野食果陣諗住扮下乖乖囡囡幫下手啦，見到個碗櫥度有隻碗放左開黎，諗住幫牛牛打定隻蛋先啦 (其實果隻碗牛牛已經打左隻蛋落去)，咪一手伸過去拿隻碗出黎，係好高速既情況下我係見到有ｄ橙橙地色既野飛左出黎，同時牛牛就大叫「隻碗入面有蛋架！！！」但係果陣碗入面既蛋已經唔見左啦！於是我、牛牛同豬仔就係個廚房入面週圍搵啦，但係搵極都搵唔返隻蛋喎，果陣個洗手盤浸緊ｄ腸腸，就算跌左落去都唔會唔見，而且洗手盤入面根本就冇蛋既踪影，最後我地連垃圾筒都搵埋都唔見，就係咁隻蛋就係冇人知道點解既情況之下消失左！

人地套戲就叫哈利波特消失的密室，我屋企依次叫蝦我好笨消失的雞旦......人地套書同戲都值錢，可惜我地隻蛋只係值七毫子！
arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄