NekoCatz - This is Life...isn't all fun

今日係咪咪既牛一，晏畫同佢食完野本來話今晚同佢食飯再四圍行下，點知依隻懶訓豬豬訓晏豬訓到夜晚八點都唔願起身，最後要牛牛出動先叫到佢起身先至肯去洗面咋！

因為出面好大雨既關係，所以去左酒店付設既酒樓食飯，原本以為會好貴，點知同屋企樓下既茶樓差唔多錢，用埋出示酒店住客証仲有八五折添啊！埋單先至三百六十蚊，真係唔係好信自己係酒店入面食飯。

飽飽之後用左係 Body Shop 買既沖涼珠珠浸浸，勁正啊！不過唔知點解沖完有少少痕痕地咁，唔知係咪我皮膚敏感呢。

今晚我終於開始讀書書啦！本書係關於 HTML 同埋 CSS 既，我以前讀過既課程係接觸過 HTML，基本既 CSS 我都識識地，不過為左以後可以更加方便咁寫網網同埋做 CGI 既版面，決定俾一個星期時間自己要讀好依本書！

原來現代版既皆大歡喜還算可以接受，不過唔點點解好鬼死唔鐘意 (差唔多到憎囉) 果個死人林玉露......另外律政新人王都唔錯，仲有我鐘意既廖碧兒份。不過最最鐘意既都係亞視既射鵰英雄傳，金庸萬歲～～～～