close
今日同埋牛牛同豬仔去游水，咪咪就做佢既懶訓豬豬。牛牛原來已經成十年冇游過水啦，不過仲游得好好嘛！而我就俾佢地笑似遇溺多過似游水喎！我游一個直池，肥仔仔已經讓我半個先開始，但係佢來回一次我先游埋果半個......

因為游池果度有埋水力按摩，所以牛牛佢好開心咁玩左兩個鐘，仲話要日日去按按喎，睇下佢堅持到幾多日，嘿嘿！

到左四點我就上水啦，之後就去左焗焗，唔知點解今日得果四十五度，我平時焗開五十架嘛，搞到坐左成半個鐘都好似冇咩料到咁。

因為今晚有瑜伽同健康舞，所以冇玩ｇｙｍ就左，要返上去食ｄ野先嘛！我係百佳買左盒魚香茄子飯，食完抖左陣陣就返去 CLUB。做左半個鐘熱身就上瑜伽堂，原來瑜伽好鬼難架，我ｄ成身都傷過既硬骨頭好多動作都唔係咁好呢！不過個 MISS 有問我係咪第一次玩，仲讚我做得好添啊！跟住再跳左一個鐘健康舞，成個人就真係散晒囉～～

我諗今晚一定好好訓姐！
arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄