close
今日我邊度都冇去啊，由朝到晚都落好鬼死大雨，而且個人仲覺得累，所以留返係酒店陪牛牛。

雖然今日俾個人休息姐，冇話腦仔都休息嘛！其實我每晚都有刨書架，依家差唔多睇左大半本啦！寫左網頁咁耐，原來一直所用既野係好普通好基礎架咋，有唔少我都未用過既。我想係依段時間好好咁學多ｄ野，因為我發覺自己真係好鐘意寫網頁，暫時由最簡單既入手，慢慢咁學多ｄ，遲ｄ如果身體許可又搵到工的話，先正式去修讀有關既課程，依家就從自修開始～～

今日開始屋屋裝修囉，唔知到時間屋屋會變成點呢！好期待喔～～～

今晚同牛牛一齊睇皇馬對港聯，同佢口頭輸賭，佢話皇馬入三球我話入四球，結果我贏左呢～老實講我唔係咁好碧咸架咋，我都唔覺得佢靚仔既，應該話佢果款同我口味唔同掛！睇完場波我反而覺得皇馬既波迪路同斯拉迪斯、仲有港聯既文彼得同埋守龍門既范俊業反而幾合我眼緣呢～
arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄