close
今日成家人落左上水睇傢俬，因為咪咪尋日去行過話見到幾好喎，又話係上水好過係元朗咁遠有事都唔知點算。

上個月去元綠壽ｂ食野果陣俾我轉到一百蚊代用卷，今日去到上水就順便食埋佢，用左兩張代用卷仲要補多百五蚊啊，咪咪話以後唔同我去食壽ｂ！

又有恐怖炸彈事件發生，聯合國註伊拉克特使被炸死，耶路薩冷又有炸彈襲擊。有邊一種生物會好似人類咁用自己發明出黎既野自相殘殺？雖然依家既科技日日係度進步，但係人類既文明同智慧卻不停咁退步。點解要分人種？要分國立派？大家都係人，係地球人，點解要為左權力、金錢或者一時既氣憤就要傷害其他人？人雖然係萬物之靈，但連與自己同類既其他人都包容唔到，只容許單一既聲音，有異思想或反抗聲音又產生禍端，唔通依ｄ行為就係萬物之靈應該做既事咩？

有陣時真係會因為自己係一種咁醜惡既生物而覺得難過慚愧。
arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄