目前分類:一隻貓的生活感言 (362)
- Jan 18 Sat 2003 17:43
無聊的一天
- Jan 17 Fri 2003 17:43
我鐘意食奶油多
今日豬仔係廚房櫃底搵返部多士爐出黎,佢話整多士易過西多喎!跟住佢就自己整俾自己食,仲拎住塊多士係我面前轉黎轉去,仲要跳埋傑他他老伯既扭腰舞!!!搞到我鬼咁想打鑊佢啊,最衰我唔夠佢打,唔係實打佢啊!
- Jan 16 Thu 2003 17:43
復健小組活動
- Jan 15 Wed 2003 17:42
散文 VS 小說
- Jan 06 Mon 2003 17:12
蝦我好笨 - 消失的雞蛋
今日牛牛收工早左返屋企,佢係百佳買左好多野返黎諗住打邊爐,因為我地習慣左用鮮雞蛋 + 鼓油 + 沙渣醬嘛!咁我見牛牛係度洗緊佢買返黎果d野食果陣諗住扮下乖乖囡囡幫下手啦,見到個碗櫥度有隻碗放左開黎,諗住幫牛牛打定隻蛋先啦 (其實果隻碗牛牛已經打左隻蛋落去),咪一手伸過去拿隻碗出黎,係好高速既情況下我係見到有d橙橙地色既野飛左出黎,同時牛牛就大叫「隻碗入面有蛋架!!!」但係果陣碗入面既蛋已經唔見左啦!於是我、牛牛同豬仔就係個廚房入面週圍搵啦,但係搵極都搵唔返隻蛋喎,果陣個洗手盤浸緊d腸腸,就算跌左落去都唔會唔見,而且洗手盤入面根本就冇蛋既踪影,最後我地連垃圾筒都搵埋都唔見,就係咁隻蛋就係冇人知道點解既情況之下消失左!
- Jan 05 Sun 2003 17:12
愛比死更冷
- Jan 04 Sat 2003 17:12
冷靜一下吧
連續兩日冇停過咁不停玩 Diablo,玩到兩隻手腕舊患都腫晒,但係忘我咁不停地打打殺殺,可以令我暫時忘記一些事,我諗依排都會繼續咁打落去,我唔會再好似以前咁用傷害自己身體既方法,我記得我應承過你唔會再做,即使點都好我都唔會再做。
- Jan 01 Wed 2003 17:11
我究竟在做什麼!?
喊左好耐,喊到對眼都腫晒,剩係想咩都唔諗好好咁訓.....
- Dec 28 Sat 2002 17:11
勇氣!?我沒有…
今年聖誕節又係病左,已經連續幾年都係咁,可能心情都有影響掛,我都仲係未習慣同人接觸,唔知點解始終都係驚,好想好想同你講清楚,但係又唔識得開口,搞到依家咁大家唔開心都唔知為左乜。我實在無勇氣打電話俾你,唉...........
- Dec 23 Mon 2002 17:11
三日三條頸巾
- Dec 19 Thu 2002 17:10
短頭髮感覺也不錯
今日牛牛休息,成家人一齊過左上水行街街,因為佢地話想換左張床裖喎!首先去左海馬既分店睇(佢個門口係話海馬架),但係入面果個師奶咁款既老板就咩都唔識,居然話床裖係越厚就越硬叫我地買厚d既就得喎!於是牛牛話去第二間睇下啦,跟住去左間叫翡翠籐器既舖頭,果個sale哥哥好有心機咁介紹資料俾牛牛同咪咪睇,又叫佢地坐下訓下試下好唔好先決定,牛牛一訓落去已經話買啦買啦,一張四尺半乘五尺六寸高(無記錯的話=P)只係要六百八十幾蚊咋!算唔算好抵呢?
- Dec 16 Mon 2002 17:10
我的天空是灰色的
- Dec 14 Sat 2002 17:10
連食都懶既人
昨晚諗左成晚,又將個網站改版。今次連站名都改埋,版面當然都係改到唔同晒啦!做返個聖誕版應下節嘛!今次改版之後,以後應該唔駛改動太大囉!做過背景圖同轉下色就可以有改版既效果,希望可以懶一段日子囉~