close

今日成個日頭，我地都將花花拎左出廳同佢玩，仲有訓練佢，佢依家識得爬手指路梯，同埋係得企係條棍度，再 90 度轉身囉。

花花佢除左學行學走之外，仲係度學叫。大細孖寶一叫佢又學住跟住叫喎！本來我地都好擔心傻雞會呷醋，因為由 B 太到脾脾，三隻初初買返黎果陣傻雞都呷大醋架！點知今次又冇喎，唔知係咪因為佢依家一心一意咁孵蛋，所以冇時間呷醋呢！但係佢見到花花果陣又會專登行過黎望下架喎！花花家陣住緊獨立單位，自己一個係籠仔度。

講下細孖寶先，佢地尋日出左次極奇驚嚇既歷險之旅，因為換新屋所以俾人搬黎搬去，嚇到佢地兩個死實實，為一好既效果就係佢兩個感情又好左！唔知係未習慣啊，定係未驚完，佢地尋晚冇入去新屋度訓，兩隻一齊縮埋係樹丫度訓。日頭就有見佢地入屋仔玩，係度穿黎穿去好似隻穿花蝴蝶咁，玩得不知咁開心，唔知佢地今晚會唔會入去訓呢。

arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄