close

傻花每日都係度學習，學行路、學叫、學轉身、學企直、學 r 毛、不過佢最叻既都係做噴射機，每次餵完佢食糊糊，都會噴到我地週身同四圍都係。我地已經圍住佢先，隻衰妹會企定定，等到我地都放晒手，行兩步之後再噴。

除左咁之外佢仲識得睇人眉頭眼額，知道我地要餵佢，就走黎走去唔俾我地捉住佢，所以我地都同佢玩，等佢冇左回事之後，一下就捉住佢，果一刻佢果眼神好得意，好似「哎呀！衰左添！」咁樣！睇下睇下佢，佢好鬼多表情同古靈精怪，見到我地係度唔理佢又會叫喎，又爛玩唔願訓，因為依家放左佢入廳，所以通常都有人係佢身邊，牛牛尋晚睇波，坐左係佢隔離，咁睇波緊係專心架啦，傻花見牛牛係度又唔係同佢玩，就係咁係度行黎行去，又係咁 bu bu bu，搞到牛牛專心唔到睇波，最後都係將佢放係手指，一邊同佢玩一邊睇。

臭臭佢地仲係好專心一致咁孵佢地既蛋蛋，佢兩公婆好似變左不問世事咁，除左冇食食果陣會叫我地之外，其他時間都唔理我地既。

死肥仔同脾脾都仲係咁，但係脾脾既攻擊性強左，成無端端就打死肥仔，我地都唔知點好囉！但係死肥仔又好似冇咩野咁，除左脾脾既突發性咬咬之外，佢兩個又冇咩野喎，會一齊玩同咀咀，我地就估唔知脾脾係咪好似 B 太咁有神經病！

話時話啊，唔係睇過書，我都唔知原來雀仔都有神經病 = =

arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄