close

天文台話尋晚開始會凍，所以我地已經一早將花花搬左入廳，諗住等佢唔會凍，點知今朝咪咪餵佢果陣，花花個身凍冰冰都唔暖既，好在尋晚唔係真係凍咋，唔係就慘啦！睇書話 d 寶寶圍埋一齊會互相取暖，不過花花只係得佢自己一個，所以我地專登買左火數高 d 既枱橙返黎，將花花搬左入個膠箱度，用枱燈照住佢，冇幾耐佢又暖烘烘仲訓到成隻豬仔咁添。今日晏晝花花繼續學行路，依家佢爬手指樓梯既速度快左，但仲係未企得穩，行路果陣個屁屁係拖住黎行既。

住係隔離屋既陳生佢地今日開始裝修囉，所以好嘈嘈，嚇到 b 太今日成日都好唔自在，仲係咁係度叫，我地已經有安撫佢，本身 b 太已經特別細膽，家陣有左蛋蛋仲特別敏感，至於傻雞都有 d 唔耐煩，到左黃昏隔離冇再鑽野，佢兩個先叫定返 d 。希望聽日佢地會定 d 唔好再咁驚啦。

自從換左細孖寶間屋之後，脾脾變到好惡，成日打死肥仔，死肥仔入新屋屋又趕佢出黎，我地同死肥仔玩果陣，脾脾又打佢喎！牛牛鬧又鬧過打又打過，脾脾都係咁。跟住我話，脾脾佢鬧緊情緒，佢唔鐘意我地換左佢間屋屋，所以搵死肥仔黎發脾氣。咁又係既，先前間屋屋好密實，脾脾入左去我地就只有係門口度裝，而家間屋屋有三個門口，基本上佢係入面點樣我地都睇到，再加上換屋果日嚇左佢餐飽，又換過晒籠入面既擺設，俾著人都唔鐘意同唔習慣啦，可況係隻一歲未夠既 BB 雀！

希望我家既五寶飯都可以快 d 定定同習慣啦！

arrow
arrow
    全站熱搜

    妮可喵 [A-Miu] 發表在 痞客邦 留言(0) 人氣()

    E-mail轉寄