NekoCatz - This is Life...isn't all fun

平日呢，通常最多一個星期就會幫四寶寶沖涼涼。沖涼既方法就係用噴噴式既水壺，噴到佢地都濕淋淋之後，再用暖風既風筒既時吹乾，吹乾之後佢地個身就會冇晒味味。

因為大孖寶佢地又開始生蛋蛋，所以我地都唔敢點搞佢地。雖然話依排唔係好熱都幾涼爽，但係佢地兩隻野日日都屈係間屋度孵蛋，所以個身都好大陣味味。話時話啊，果陣味味唔係話臭果種喎，點講呢，就好似你入左間賣寵物既舖頭，你會聞到一大陣寵物味，可能有 d 人會唔鐘意而覺得臭，但係有養開寵物既都唔會覺囉。

離左題添，講返對大孖寶，咁傻雞佢有另一個花名叫臭臭嘛，由星期六開始我已經係度話，臭臭佢好大陣味啊，不如同佢地沖涼啦！但係牛 b  同豬仔話唔好，驚影響佢地孵蛋喎，所以就不了了之。而隨著日子既過去，佢地兩隻大孖寶就越黎越大陣味，我每次同臭臭玩果陣我都會講：「臭臭今次真係變左好臭臭！」

到左尋日啦！晏晝開始兩隻大孖寶就唔係入屋孵蛋喎，係咁係個籠度叫同拍翼仔，又係咁 r 毛毛喎，我咪講笑話：「你地係咪想沖涼涼啊？」咁傻雞同大隻隻就係度扭下扭下個屁屁，我咪諗住叫豬仔同佢地沖涼涼啦！點知個豬仔掛住打機唔去喎，又話由得佢地叫下一陣就冇架啦！點知佢地就叫足成個鐘頭！連牛牛問佢地咩事事，佢地兩隻就係咁鬆開毛毛喎，因為牛牛都唔主張係依個時候搞佢地，所以同佢地玩左一陣就返出去睇電視囉。

因為大孖寶個籠就放係我房門口，佢地兩隻係咁叫喎，我望過去佢地就係度扭下扭下咁唔叫，睇到好似唔知點咁，又唔係冇野食啊，換左水又加左生果，有胡蘿蔔同粟米，點解仲係度扭計呢！唔通真係俾我講中左佢地想沖涼？於是我又走埋去問佢地：「係咪真係想洗臭臭啊？」佢地就企定係度張開對翼仔，好似平時同佢地洗臭臭咁既姿勢，所以我咪入去用噴噴壺同佢地沖涼啦！佢地一見到個噴噴壺不知幾開心，企到定定再張開對翼，前面淋濕左就自己轉個屁屁果黎噴，我都仲未開風筒啊，佢兩個已經係度搶位等吹吹啦！睇見佢地咁真係覺得好可愛！

洗完臭臭既傻雞即刻冇晒味味，兩個一齊係度互相 R 毛毛，之後就食食囉！本來想同對細孖寶洗埋，但係死肥仔太易感冒啦！加上尋日冇日頭又涼，佢地兩隻又唔臭，所以牛牛話唔好同佢地洗洗囉！

係打緊依篇寶寶日記既時候，傻雞佢係度 bu bu bu 咁叫，因為已經係晏晝五點，夠鐘同佢地洗底盤同埋換食食！仲有就係牛牛同佢地玩玩既時候囉！

我家的四隻寶寶真的很可愛喔！